۱۳۹۱/۰۹/۱۹

Urmiye Gölünün Uydudan Alınan Son Görüntüsü


Güney Azərbaycan, Urmiye: bu görüntü 2012.12.02 də NASA düşərgəsindən alınıbdır və Urmiye Gölünün son durumunu sərgiləməktədir.
Uydudan Alınan görünütdə də Görüldüğü kimin Urmiye Gölünün quruma sürəci sürətlə dəvam etməktədir və eləcə Gölün Güney və Orta bölgələrındə bu qurumaq daha sürətli olub və Gözlə hiss olunmaqdadır. Çevre və Doğa uzamanlarının ön Görüşünə Görə Urmiye Gölü ortadan yaxın zamanda ikiyə bölünəcəkdir və Aral Gölü kimin bir sürəci yaşayacaq dır. 
Iran dövlətinin Tuğralı (rəsmi) medyasi hər gün Urmiye Gölünün 20 cm suyunun yüksəlişinin medyadan duyurmaqdadır ancaq Uydudan alınan görüntülər başqa bir rəsimi göstərməktədir.
 Tərəfsiz Doğa və Çevre Uzmanlarına Görə Urmiye Gölü Yağış oranin az olmasından qurumayıbdır və tərsinə Tuğralı verilər bu neçə ildə Urmiye Gölü su hövzəsinin yağış oranı ötəki illərə Görə daha yüksək olduğunu göstərməktədir ancaq bu yağış oranin artmasına rağmən Urmiye Gölünün qurmaq sürəci dəvam etməktədir. 
Iran dövləti Tuğralı olaraq Urmiye Gölünün qurumasını iqlim dəyişikliyi bağlamaqdadır ancaq bilimsəl araşdırmalar və bilgilər Urmiye Gölünün qurumaq nədəninin 1- Urmiye Gölünün su axtarımın hesablamadan tikilən Səddlər 2- yanlış su yönətimi 3- Əkinçilik alanlarının 2 qat artması 4- əski sulama sistemi 5- Urmiye təbriz körpüsü vs göstərməktədirlər.

هیچ نظری موجود نیست:

ارسال یک نظر